Thai King para Paetongtarn Shinawatra keh nutun PM appoint kuri di shae

August 18, 2024: Sunday din deh Thai King para formally  Paetongtarn Shinawatra keh Thailand laka nutun prime minister hobo leh appoint kuri di shae. Paetongtarn Shinwatra tho controversial ex-premier Thaksin laka maike bacha ase. Court para agae laka premier keh dismiss kuri nah,  main opposition party keh disband kura piche deh Paetongtarn tho office deh ahi jai shae. Paetongtarn tho Kingdom laka sobse jawan PM ase itia takt tho. Tai tho third Shinawatra ase, prime minister hobo leh, hoile b taila baba aro aunt Yingluck laka fate keh avoid kuri bole hope kuri bo, kun kan keh power para kitai di shae, military coups kuri nah. Paetongtarn, tai King Maha Vajiralongkorn laka official written command pai shae, government ekta keh form kuri bo karne.Tai etu command tho ekta ceremony deh pai shae, kuto ekta former pro-Thaksin TV Station laka headquarters deh taki shae, Tai para sob Thais keh eki lokot deh kam kuri bole mati shae, country laka sluggish economy keh revitalize kuir bo karne. Country, kuto Covid-19 pandemic para wapas ahi bole duk pai shae. “Government laka head taki nah, mui open heart taki nah parliament lokot deh kam kuri bo. Mui sob ideas lokot deh open taki bo, kuto country keh develop kuri bole motot kuri bo. “Thais kan, etu duty tho prime minister ekla para kuri bol napari bo. Thailand laka sob generations aro sob talented manu laka power tho manage kuri bole pari bole mui hope kuri ase.” Thaksin, 75 tho ceremony deh ekta prominent  attendee taki shae, kun Paetongtarn laka mota lokot deh uthi taki shae, front row deh.