December 13, 2025: Donald Trump para koishe Friday December 12 2025 teh ki Thailand Aro Cambodian laga leaders para acha koishe Jakara nakurebole aro. US khan para etu sal aghe te be tai jun jamala ola homoi te tai khan para rokhai deshe.
Mr. Trump para social media te announce kureshe etu ceasefire laga. Thailand laga Prime Minister Anutin Charnvirakul aro Cambodian laga Prime Minister Hun Manet logo teh call teh khota kurei piche te tai utu announcement deshe.
Truth Social te Donald Trump para koishe ki sob bunduk marei khan rukhe jabo aro pola laga cease fire tai para bana toh shuru kurebo. Tai Malayasia laga Prime Minister ke be dhanevad de she etu mamla te modok kurei karne.
Thailand aro Cambodian laga officials khan para etia tuk eku be koinai Trump laga announcement piche te. Hoile be Trump para announcement nadei ahge te Anutin para koishe ki Thailand toh Cambodia khan logo te Jakara kure thakebo. Cambodia khan tai khan ke dhamki de thakele koishe.
Thai-Combodia border laga jamala toh mati karne ase. Aro etu jamala toh beshi sal ho ase. 1907 te Cambodia khan French khan laga betor thakei homoi teh tai khan para ekta map banai she. Aro Thailand manu khan para koishe etu map toh thik nai.
Add Comment