December 11, 2025: Aro ekbar boomb, guli aro hawa para hamal shuru hoishe Thai-Combodian border teh. Aro ekbar bosti mnau khan kun border laga osor teh buhei tai khan ke hathai deshe. July teh Trump para ekta cease fire banai sha. Hoilebe five moina piche teh aro etu duata country ekjun ekjun ke hamla kurebole shuru hoishe.
Kile aro shuru hoishe koile toh Sunday teh, ekta Thai engineering team rasta teh kam kure thakeshe koishe border phane. Ekta Thai army par koishe ki Combodian laga army khan guli marei shuru kureshe koishe. Aro duata Thai army manu johkom paishe koishe. Thailand toh poila para tai khan laga border laga jamala toh internationalize kurebole mun nai. Tai khan toh cease fire toh first para bei acha kobole thakei nai. Hoilebe Trump para tariff laga dam de kena acha koishe. Aro etu thik time teh Thailand aro Cambodia khan US logo teh khota kurei thakishe tariffs namabole.
Alak phane teh toh Combodia toh khushi ase bahar manu khan ahei ke na jamala toh sat oh. Kile koile toh Cambodia toh chutu country hei ase.
Add Comment