Thailand, 27 November : Ekta dulha Thailand dey golee maria shuru huishey tai nijor laga shaadi dey, four jun ke muraishey dulhan milaina, tai nijor ke golee marina namuria agey dey, BBC report kurishey. Itu ghatna toh Saturday dey, November 25 dey huishey, ekta bosti dey Wang Nam Khieo district, Nakhon Ratchasima laga north-eastern Thai province dey.
Bangkok Post hisab dey, 29-saal Chaturong Suksuk, ekta former sepoi aro paralympic athlete, ekta live-in rishta dey thakishey Kanchana Pachunthuek logot, 44, three saal karney shaadi kuriboley faisla nakuria agey dey. Ekta traditional shaadi ceremony toh Saturday subhaa dey luishey, kuntu piche dey davat thakishey. Huilewi, Suksuk toh itu shaadi tyohar ajanak para charina jaishey khushi mania maju dey aro ekta pistol logot wapis ahishey.
Tai para kunwa golee marishey kuntu para Ms Kanchana ke murai disheh, 62-saal ama aro 38-saal bhuni. Tai para tuita mheman ke bhi golee marishey, kun ke julti district hospital lui jaishey. Ekjun toh muri jaishey kitia laga wala toh bishi biya para jokhum huina asey. Itu dulha tai nijor ke golee marishey aro muri jaishey. 9mm ammunition laga 11 spent cartridges paishey itu golee maria jagah para.
Ekta police spokesperson para kua BBC para quote kurishey ki itu dulha toh bishi naasha kurina thakishey itu homoi, huilewi tai laga irata itia tak najaney. Police para itia itu case investigate kuri asey aro saboot bisari asey.
Straits Times hisab dey, witnesses kuisheh ki jagarah kuria karoney dulha laga insecurities ulai jaishey, kitia tai bhui khai thakisheh ki tai laga maiki tai ke charina alag mota logot jawo tai laga disability karoney.
Add Comment