Bangkok, 15 Febraury : Thailand para ekta scheme launch kurishey visitors khan ke $14,000 tak medical coverage diwoley juti accident huishey kuiley, tourism minister para Thursday dey kuishey, kitia itu kingdom para travellers khan ke pandemic piche dey wapis ahiwoley diwo mun asey.
Itu government para 500,000 baht ($14,000) tak expenses sai diwo aro ek million baht tak laga compensation diwo itu notun scheme laga andar dey juti maut huishey kuiley.
Covid-19 pandemic thakia homoi Travel restrictions para itu kingdom laga vital tourism sector girai dishey aro tourist khan toh officials para phabna kuria nishna wapis ahianai.
Tourism minister Sudawan Wangsuphakijkosol para AFP ke kuishey ki itu notun Thailand Traveller Safety scheme toh January 1 dey shuru huishey aro August 31 tak chulibo.
Tourists khan itu scheme karney Thailand Traveller Safety website, tts.go.th dey register kuribo paribo.
Kunwa 28 million manh khan 2023 dey Thailand dey ahishey, ek saal agey dey 11 million upar, huilewi itia tak 40 million niche asey kun khan 2019 dey ahishey, itu jaa saal pandemic agey dey.
Officials toh 2024 dey 35 million visitors tak hit kuriboley bisas asey, revenue dey $55 billion target rakhina.
