Thailand, 15 May : Thailand Open te India laga campaign Thursday din ekta dangor jhatka khai gol, jitia rising stars Unnati Hooda aru Malvika Bansod women’s singles category laga second round te Super 500 tournament por bahar hoijabo lagise.
Local Thailand players logot khelia, dujon he straight game te harise, aru olop aage he tournament por eliminate hoijabo lagise.
Matro 17 saal laga Unnati Hooda, jun already duita BWF title (Odisha Masters aru Abu Dhabi Masters) jitise, top seed aru world No. 6 Thailand laga Pornpawee Chochuwong logot face korise.
Thai player Chochuwong, jun laga aggressive style aru fast court coverage karone jona jaye, match shuru para he dominate korise. Unnati bhi thora thora bhal shots marise, kintu experience te dangor Chochuwong logot consistency maintain kori naparile.
Match 14-21, 11-21 score te matro 39 minutes te khotom hoijase, aru Unnati momentum nijor side te ghura bole parile nai.
Dusor side te, world No. 23 Malvika Bansod bhi ekta tough opponent face korise – former world champion Ratchanok Intanon logot, jun Thailand laga ekjon most famous shuttler ase. 2024 Hylo Open finalist Malvika duita game te starting para he pressure te porise, karon Intanon laga smart touch aru deceptive shots game laga tempo control kori thakise.
Malvika second game te ekta jor effort diya try korise aru bhal fight back korise, kintu last te 12-21, 16-21 score te haaribo lagise.
Unnati aru Malvika laga haar pisot, India laga aasha etiya baki thaka players logot ase. Later part te, women’s doubles pair Treesa Jolly aru Gayatri Gopichand try koribo nijor run continue koribole, aru men’s doubles duo Sai Pratheek K aru Pruthvi Krishnamurthy Roy bhi court te uthibo.
Duita pair bhi BWF circuit te bhal form dekhai thakise aru Bangkok te deep run target kori ase.
Singles te, Tharun Mannepalli aru Aakarshi Kashyap bhi khelibo, aru India laga challenge continue koribole hope ase.
Add Comment