January 15, 2026: Thursday te, Thailand te carne ekta duata gare opor teg ere she, aro dua jun ke morai deshe koishe. Etu ja din te be, ekta crane gere kena 32 manu kun train te buhe kena thake she, etu khan ke morai de she.
Police Colonel Sitthiporn Kasi para koishe ki etu crane gerea mamla toh, Samut Sakhon province te hoi she, Capital Bangkok laga osor te. Utu crane toh highway banai thake she koishe, rasta laga opor te.
Alak ekta police official para koi she ki, pasta manu jokhom pai she etu accident te. Wednesday January 14 te, Northeastern Nakhon Ratchasima province te, ekta carne kunto toh Thailand laga ekta project te kam kurea thakea homoi, train laga rasta teg ere jai kena, ekta train ke accident hobole de she, etu mamla te 32 manu mure she, aro 66 manu toh jokhom pai she koishe.
Add Comment