Thailand te India manuh peraboli bondh

Bangkok: Thailand para India logot travel documents issue koriboli suspended korishe koishe. India te coronavirus cases besi othi-thaka nemite ase. Monday din  Bangkok te jaga besi bondh korishe, keli koiken Southeast Asian te bemari third wave rokabo nemite ase koishe. Monday din India te global record hoikena 5 din wala coronavirus cases toh 352,991 notun cases paishe. Etu sob melaikena caseload toh 17 million oper jaishe aro hospitals te oxygen, beds aro anti-viral (tawai) drugs komti hoishe. New Delhi te Thai embassy para statement te koishe ke, non-Thai nationals manuh India para aha khan logot certificates deya toh notun notice napa dak suspended thakibo. Civil Aviation Authority of Thailand (CAAT) para khobor ekta dhoon manuh khan private jets loikena India para Thailand jaiase kowa toh mesa-mesi ase koikena janaishe. “ami khan logot khobor ase ke, kaun Indian millionaires para flights loikena Thailand jaboli CAAT logot permission mangka nai,” koikena statement para janaishe. May moina te India para Thailand dak te 4 repatriation flights ase, CAAT para koishe. Thailand te tai khan nejor bemari logot larai kori ase aro Monday din te 2,048 notun cases paishe, etu melaikena 57,508 bemari cases hoikena ase aro etu virus bemari para 148 manuh morikena ase. Monday din laga cases toh, Bangkok para 901 cases paishe, etu jaga toh bemari laga epicentre ase koishe. Monday din para Bangkok te Parks, gyms, cinemas aro day-care centres toh May 9 darik dak bondh thakiboli junaishe. Etu oper notun neum te public jaga te mask nalaka manuh logot 20,000 baht ($635) fine loboli janaishe.