Agencies: Thursday te United Nations koishe thanda nimite 29 bacha murishe. Etu bacha khan toh jua dui moina majote militants para eastern Syria te pola civilians khan majote thakishe.
World Health Organization (WHO) koishe al-Hol te punchija manu khan nimite ekdam bishi mon chinta ase koishe. Hoil bhi Islamic State (ISIS) khan para pola manu khan nimite etu jaga toh he mukya (main) camp toh ase.
WHO statement te koishe jua aath hafta bhitor te komti hoile bhi 29 bacha aro notun jonom huwa baha khan mura laga khobor paishe. Mura laga asol karan toh hypothermia ase. Etu bacha khan mura toh camp travel kura samay te nohoi le bhi camp punchija laga olop samay pichete muri jaishe.
Khobor hesab te 23,000 genika manu khan Dier ez-Zor jaga para polai kena camp te olop samay pichete camp te pungchishe. Etu polai ja manu khan majote bishi toh maiki aro bacha khan thakishe.
Kurdish aro local Arab jati manu khan ke US para lead kura coalition toh ISIS laga akri group logote larai kuri ase. Etu larai toh Eupharates River valley laga Hajin town osor te hoi ase.
WHO koishe camp te pungchibole bishi manu khan thang para nohoile bhi khula trucks te din aro rati beraishe.
Syrian Democratic Forces khan jihadists khan tai khan majote ase na nai etu check kura samay te pola manu khan laga yaatri te bishi ghonta para deri hoi jaishe.
UN laga health agency koishe al-Hol te etiya joldi aro dikdar-na-diya (unhindered) modot lagi ase.
Camp laga situation etiya bishi biya ase. Dui moina bhitor te camp population toh triple hoi jaishe (10,000 manu para etiya 33,000 manu genika hoishe).
Add Comment