Argentina, 08 October: 2018 Summer Youth Olympic Games laga opening day deh India pora tuita medals loise. Etu tuita medals be silver ase. First toh Tushar Mane pora loise shooting deh. Etu bechide Tababi Devi Thangjam pora judo laga podium deh loise. Tai toh desh deh first judoka hoise medal jeta. Mane’s pora men’s 10m air rifle deh silver jeta bechide, Devi pora Sunday din women’s 44kg category laga final deh nai-nai koilebe silver lobule parise. Tai ke Venezuela laga khelari Maria Gimenez pora gold medal nemide haraideya thakise. Manipur laga 2017 Asian Cadet champion Tababi toh Gimenez logode 0-2 pora hara thakise. Gimenez pora ippon deh 1-0 score korise, waza-ari deh 1-0 aro Tababi deh ekta penalty points lowah thakise. Match toh 2:08 deh kothom howah thakise. Final deh nakusha agae deh Gimenez pora Crotia laga khelari Ana Viktorija Puljiz logode 10-0 score pora jeti lowah thakise. Etu agae Round of 16 deh tai Bhutan’s Yangchen Wangmo logode 10-0 pora jeta thakise. Youth Olympics deh India laga khelari hesha loi kena thaga 46 jun ase. 2014 sal Nanjing, China deh Youth Olympics khela time deh India pora silver aro bronze medal jeta thakise.
Thangjam pora India’s medal tally double koridese
Add Comment