Los Angeles, 2 February : Bohut din pora wait kora comedy-drama The Devil Wears Prada 2 laga trailer Sunday rati 20th Century Studios pora release hoise. Meryl Streep laga iconic character Miranda Priestly etiya ghuri aise, aru dui dosok aage jiman sassy ase, etiyao iman e ase. Ei film te tai Emily aru Andy logot (Emily Blunt aru Anne Hathaway) phir pora milise, kintu khub dramatic way te.
Trailer tu Andy pora start hoi, juntu etiya senior journalist hoise, aru Runway te notun Features Editor hisape join kore. Tai Miranda ke bhal pora greet kore, kintu veteran Miranda e Andy ke chinibo napare. Tar pichete fashion duniya laga flashy aru glamorous shots ekta montage ahise. Pichot dui jana Emily logot bump kore, kintu etiyao Miranda taikhan ke chinibo napare.
The Devil Wears Prada, David Frankel pora direct kora, 2006 te release hoise. Itu bar sequel te director phir pora ghuri aise, aru main cast — Meryl, Anne, Emily aru Stanley Tucci — sob phir pora ahise. Taikhan logot notun actors join korise, jiman ase Kenneth Branagh, Simone Ashley, Justin Theroux, Lucy Liu, Patrick Brammall, Caleb Hearon, Helen J. Shen, Pauline Chalamet, B.J. Novak aru Conrad Ricamora.
The Devil Wears Prada 2 Wendy Finerman produce korise, aru Michael Bederman, Karen Rosenfelt aru Aline Brosh McKenna executive producer ase. Itu film tu 1 May 2026 te cinema hall khan te release hobo.
Add Comment