The Great Indian Kapil Show S3

New Delhi, 7 June : Hit comedy talk show ‘The Great Indian Kapil Show’ laga third instalment release hobo koi ase June 21, 2025 te OTT platform Netflix te. Ahibole thaka episode khan laga shooting already shuru hoijase, aru report hisab te cricketer khan – Abhishek Sharma, Rishabh Pant, Yuzvendra Chahal aru Gautam Gambhir – ekta nija episode karone Navjot Singh Sidhu logot shooting korise. Ita hafta te Anurag Basu direct korise thaka film ‘Metro In Dino’ laga star cast – jiman khan ase Sara Ali Khan, Ali Fazal, Fatima Sana Shaikh, Neena Gupta aru onno manu khan – bhi ‘The Great Indian Kapil Show’ laga shooting attend korise. Nija episode laga shooting te ula picture khan internet te already circulate hoijase. X handle te ekjon user ekta post te aghan ahibole thaka Netflix comedy talk show laga guest khan laga ekta chhobi share korise. Itu photo te dekha jai ase cricketer Abhishek Sharma, Rishabh Pant, Yuzvendra Chahal aru Gautam Gambhir, juntu Navjot Singh Sidhu logot pose dise. Dusra photo te Gambhir aru Sidhu ek sath te dekha jai ase. Friday din, cricketer Abhishek Sharma nijor ekta photo share korise comedian-actor Kapil Sharma logot aru itu photo ekta joint post hisab te Instagram te upload korise. Post laga caption te likha ase “AMBARSARIYE.” Social media user aru fan khan speculation korise ki Abhishek Sharma nija episode te dekha jabo ‘The Great Indian Kapil Show’ te. Kapil Sharma laga comedy talk show te main star cast include kore Sunil Grover, Kiku Sharda aru Krushna Abhishek. Archana Puran Singh bhi judge laga seat te nijor role reprise koribo.