New York, 3 July : Neil Druckmann, HBO laga The Last of Us series laga co-creator, announce korise ki tai etiya show para step back koribo karone, karon tai pura focus loi jabo lage Naughty Dog te — itu toh PlayStation laga ekta studio ase jun original The Last of Us game develop korise. Tai laga decision ahishey ekta critical time te, kitia show laga Season 2 te viewer response mixed thakise aru backlash bhi pai ase, especially Joel laga death karone.
Halley Gross, jun The Last of Us Part II game co-write korise aru HBO series te executive producer aru writer thakise, tai bhi aji announce korise ki tai show para hutu uthibole ase.
The Last of Us HBO te ekta critically acclaimed post-apocalyptic drama series ase. Season 1 launch hua pichete bisi high ratings aru praise paishey, aru 24 Primetime Emmy nomination bhi pai luisey. Series laga story ekta fungal outbreak te collapse hoijaa duniya te set kora ase, junte Joel — ekjon hardened survivor — aru Ellie — ekta teenage girl jun humanity ke bachaibo pare — laga journey dekha jai.
Kintu Season 2 te audience response divided hoise. Rotten Tomatoes te audience score 50% para niche giri jise, aru Metacritic user ratings te bhi same downward trend dekhaise. Critics performances ke praise korile bhi, viewer khan especially Joel laga plotline karone dissatisfied thakise.
Series te original cast members include kore Pedro Pascal, Bella Ramsey, Gabriel Luna, Anna Torv, Merle Dandridge, Nico Parker, Storm Reid, Lamar Johnson, Keivonn Woodard, Melanie Lynskey, Troy Baker aru Ashley Johnson. Season 2 te notun actors add korise juntu include kore Isabela Merced, Young Mazino, Kaitlyn Dever, Danny Ramirez aru Tati Gabrielle.
Neil Druckmann aru Halley Gross dujon show para chari jaowa karone, show laga agola direction te ki impact hobo itu loyal fans khan nimite ekta dangor concern bonai ase, especially jokhon Season 2 already mixed response pai thakise.
Add Comment