New Delhi, September 23 : Boman Irani tu nutun OTT(online release hobole thaka) film, ‘The Mehta Boys’ logotey tailaga directorial debut(matlab tai para direct kora first film dikhabole) kuribole asey. The Mehta Boys’ film tu ekta baba-chokra laga rishta laga bari te bana asey aro etu film te etu bond(rishta) laga ahemiyat laga bari te koi. Boman para direct kora etu first film tu dangor International Film Festival of South Asia Toronto laga opening film thakisey. Etu film laga pura cast(actor khan0 Chicago South Asian Film Festival te bi jaisey kilemaney etu film tu tatey bi opening laga homoitey premiere hoisiley(matlab dikhaisiley). Hoilebi, etu film laga team nimitey din tu extra special hoijaisey kilemaney taikhan para etu film festival te Best Feature Film laga award bi jitisey. ‘The Mehta Boys’ laga co-writer, director aro actor, Boman Irani para tailaga fan khan logotey etu good news share kurisey. Tai para Chicago South Asian Film Festival award dhurikina tailaga parivar aro film laga cast logotey khicha eman bisi photo share kurisey. ‘The Mehta Boys’ tu ekta OTT film asey aro direct Amazon Prime Video te release hobole asey.
‘The Mehta Boys’ tu Chicago South Asian Film Festival te, Best Feature Film jitisey
Add Comment