July 19, 2026: Film Bana manu Christopher Nolan laga The Odyssey toh. Indian laga Box Office te second din toh bhal para jai ase koishe. Yete taikhan khulea homoi te thik paishe koishe. Etu film te Matt Damon para led kurishe. Yete Tom Holland toh key role ase koishe. Aru Sacnilk trade Wedsite khan laga hisab te. The Odyssey toh etea din 2 te. Sob milai kina Rs 22 Crore nishina paishe koishe. Yete 8,971 Shows kuri kina India te. Yete Film laga duita din toh milai kina Etea Rs 39.40 Crore te punchishe koishe. Aru Collection toh Rs 47.03 Crore te khara kurea ase. Film toh Rs 17.40 Crore net te khulishe koishe Friday din te. Yete para India te Hollywood Openers of the year te sobse dangor ase koishe. Film toh manu bishi ke tanishe koishe. Etu upor te Christopher Nolan laga masbut fan khan bi thakhishe koishe. Odyssey toh etea Rs 50 Crore laga mark tohpaar kuribole tarika kurea ase koishe India te. Etu toh 3da din khotom hubole homoi te. Etu film toh English, Hindi, Tamil aru Telugu te khulai dishe koishe. Aru English laga kotha te sobse masbut jawab paishe koishe. The Odyssey toh Din 2 tebi theatrical te bishi masbut para ja toh jani pai ase. Yete sob milai kina 54.4 Per cent occupancy asekoishe India pura te. English kotha te Rs 17.75 Crore nishina paishe koishe. Aru Hindi te toh Rs 2.35 Crore paishe koishe.
The Odyssey laga Box Office Din 2
