‘The Raja Saab’ Box Office Collection laga din 2

January 11, 2026: Prabhas Starrer ‘The Raja Saab’ laga Box office te dangor girea toh dikhibole parea ase din 2 te. Etu Film te Rs 27.83 Crore nishina kama toh dikhibole parea ase. Etu toh sob kotha kurea laga jaga khan tebi. Din te bia para giri kina Rs 53.75 Crore nishina jama kurishe koishe. Aru duita din para film khan toh Rs 90.73 Crore nishina kamabole parishe koishe. Etu toh India te. Yete Sacnilk Website te report khan janai dishe. Aru pura te duniya te Rs 138.4 Crore nishina paishe koishe. Aru bahar marker para Rs 30 Crore nishina paishe koishe. India te duita din para Rs 108.4 Crore nishina paishe koishe. ‘The Raja Saab’ te 44.00 per cent toh Telugu Occupancy para ahishe koishe Saturday din te. Phuzur te toh niche para suru kurishe koishe 28.95 per cent nishina para. Aru yete sham aru rati te toh 51.25 per cent nishina choishe koishe. Hindi Occupancy toh komzor thakhishe koishe yete 6.72 per cent nishina he thakhishe. Hoilebi rati te toh bhal hoishe koishe. Yete 19.45 per cent uthi kina. Tamil Occupancy toh 21.11 per cent nishina thakhishe. Aru rati laga show te 34.43 per cent te thakhishe. Telugu kotha laga version para Rs 22.38 Crore nishina paishe koishe duita din te. Hindi version te Rs 5.2 Crore nishina paishe. Tamil te toh Rs 15 lakhs thakhishe. Kannada aru Malayalam version te toh Rs 6 lakhs aru Rs 4 lakhs thakhishe koishe. Telugu collections toh Rs 78.68 crore nishina te khara kurea ase. Yete dui din laga milai kina. Hindi te toh Rs 11.2 Crore thakhishe. Tamil te toh Rs 55 lakhs thakhishe. Kannada te toh Rs 16 lakhs aru Malayalam te toh Rs 14 lakhs. Telugu market te film toh bhal para loijai ase. Hoilebi alak khan toh sosti hoi kina ase.