New Delhi, 13 January : Prabhas laga film The Raja Saab box office te recover hobo laga chance almost nai dekha jai, jitia first Monday te bisi dangor setback paisey. Film domestic box office te 65% drop dekhaise Monday te. Itu fall ahise weekend pichete, jitia Saturday te 51% aru Sunday te 26% drop hoise, juntu karone day 4 te film day 1 pora 88% kom earning korise.
Pandemic pichete Prabhas laga sob film modhye weakest opening thaka sathiyo, The Raja Saab opening day Friday te worldwide ₹100 crore earn koribo parise. Kintu Saturday aru Sunday te film bisi dangor dip dekhaise. Day 4 te all-important Monday test te bhi fail hoi gol, India te net matro ₹6.60 crore earn korise. Itu modhye Hindi version pora ₹1.75 crore aru Tamil te matro ₹7 lakh ahise. Monday tak film India te total ₹114.60 crore net (₹137 crore gross) earn korise. Overseas market te, US te strong opening day thaka karone, Maruthi laga direction te bona film $3.5 million pora bisi earn korise. Itu logote film laga global collection ₹170 crore gross pohonchise.
The Raja Saab laga journey bisi tough dekha jai. Film etiya Saaho aru Adipurush pora bhi niche track kori ase — juntu duita Prabhas laga bisi dangor film ase. Duita film laga fourth day te ₹15 crore pora bisi net collection ase, heavy drop thaka sathiyo. The Raja Saab itu laga half bhi touch koribo naparise. Film laga reported ₹350-crore budget hisab te, break-even koribo chance bisi kom dekha jai.
Maruthi pora direct kora The Raja Saab, Prabhas family entertainer genre te ek decade pichete wapas ahise koi thakishey curiosity bonaise. Baahubali series pichete Prabhas laga sob film mass actioners ase. Fans koi thakise ki The Raja Saab ‘vintage Prabhas’ laga return ase. Film te Sanjay Dutt, Malavika Mohanan, Nidhhi Agerwal, Riddhi Kumar, Boman Irani aru Zarina Wahab bhi role te ase. Kintu critics pora largely negative reviews paai pichete, The Raja Saab box office te aste aste fizzled out hoise.
Add Comment