Los Angeles, March 28: Lisa Jane Smith, ‘The Vampire Diaries’ laga mashoor author(kitab likha manu) tu 66 years laga umar te murijaisey. Tailaga kaam para kitab pora manu khan ke romance, dhoka aro supernaturalsituation jaiseki ghost, jadu khan laga duniya laga bari te janaisey. Aro tailaga kitab para inspire hoikina ekta hit huwa television series banaisey kuntu para audience khan ke 10 saal osor captivate kurikina rakhidisey.
Smith para ‘The Vampires Diaries’ tu sobsey first 1990s faley asol jibon te anisiley. Tai para 4ta-book laga series release kurisey kuntu te vampire kokai-bhai Stefan aro Damon Salvatore laga jibon aro ekta jawan ama-baba nathaka anad chukri Elena Gilbert logotey taikhan dujun laga love triangle laga kahani dikhai. Etu series tu joldi popular hoijaisey aro etu nimitey tai para 2009 aro 2011 majotey ekta extra trilogy likhisey. Smith tu etu series laga original creator thaka laga bawajut bi, tai para nijor laga series ke control kuribole para laga haak loiloisey. Kilemaney tailaga book khan tu ekta book packager logotey ekta contract bhitor te likha laga thakisey. 2011 te tailaga kitab publish kora company para taikey etu series para olaidisey aro tailaga publish nukurikina thaka Part 8 tu ekta ghostwriter(anjan writer) laga haat te didisey kun para ekta anjan naam laga under te etu books likhibole continue kurisey. Hoi Smith laga naam tu book laga cover khan te series creator koikina thakisey hoilebi etu kahani ke continue kora te tai officially shamil thakanai.
Tai para picheyte admit kurisey ki etu experience para tailaga mon bhangaidisey.
Smith tu etu duniya para jaijaisey parey hoilebi tai tailaga books aro tai para inspire hoikina thaka eman bisi fan laga through te ekta naam charikina jaisey.
Add Comment