China, 22 March : Badminton World Federation (BWF) para Thomas Cup aro Uber Cup karney Friday dey draw khan janai dishey, kitia defending champion India toh Group C ke jaa saal laga runners-up aro 14-time champion Indonesia logot Thomas Cup competition dey draw kurishey. Uber Cup karney, mahila laga team badminton dey itu top world championship, India ke Group A dey 15-time champion China logot draw kurishey. BWF toh X (formerly Twitter) dey itu groups announce kuriboley jaishey. “Thomas Cup Group C: Indonesia, India, Thailand, England,” kuishey BWF.
Jaa saal, India para Indonesia ke final dey 3-0 logot haraina taikhan laga maiden Thomas Cup title luishey. Itu tournament toh 1949 dey shuru kurishey.
Thomas Cup toh top world championship asey mota laga badminton competition dey.
“Draw -BWF Uber Cup Finals 2024 #TeamIndia ke Group A dey draw kurishey. Group A China India Canada Singapore #ThomasUberCupFinals,” Badminton Association of India (BAI) laga official handle para tweet kurishey.
India laga best Uber Cup performance toh tournament laga 2014 aro 2016 editions dey bronze medals asey New Delhi aro Kunshan dey.
India jaa saal Uber Cup laga quarterfinals para ulai jaishey, Thailand laga khilaf 3-0 haria piche dey. Tuita tournaments bhi itu saal April 28 para March 5 tak thakibo.
Add Comment