Thonoknyu te Multi-speciality health camp rakhisey

Noklak, March 27: Noklak district laga Thonoknyu sub-division laga Primary Health Centre (PHC) te 26^th aro 27^th March 2025 te dui-din laga multi-speciality health camp organise kurisey. Etu camp ke Kohima laga Dr. Tseilhouto Rhutso(MLA) para cholaisiley. Etu camp te, aas-pass area te boha ekso opor manu khan free medical consultation aro specialist doctor khan para diya free dawai para benefit hoisey. Wokha laga Sanis area te jungle jui control kurisey Sanis village area, kuntu toh Wokha district laga Baghty aro Bhandari majotey asey etu jagate 25tMarch 2025 te ekta dangor jungle jui ola tu control kuridiisey. Etu jui tu Jhum kheti laga katikina jola para lagisiley. Etu jui para rubber laga plantation ke bi barbad kruidisey, kuntu toh kunba manu laga private property thakisey. Din fale wildfire laga report paikina, District Disaster Management Authority (DDMA) Wokha aro District Adminsitartion para logalog response dikina etu situation ke control kuridisey District Administration Bhandari laga team, SDO (Civil) Bhnadari, Arhomo Yanthan (NCS) aro EAC Champang, Kilangtemsu (NCS) para etu ghotna huwa jag ate pungchikina jui ke control kuribole laga kosis ke osor para monitor kurisey. SDPO Bhandari, R. Phillip Yanthan para Bhandari DEF Wokha police personnel ke etu jag ate pathaisey kun khan tatey laga local manu khan ke modod kurisey, kun khan bisi ghonta para khatarnak jui ke control kurithakisey. Extra manu laga takat para, high-tension electricity tower tu barabd hobole para bachisey aro jui ke aro bisi baribole para bachabo parisey. Hoilebi 145 am faley plantation farm faley etu jui aro julisey. Holebi savdhan hoikina thaka volunteers khan para etu jui ke aro agey spread hobole para rokhaisey. Etya tak kun bi jokhom kha laga report olanai.