June 01, 2025, 07:33 PM: Itu Nasha Mukt Bharat Abhiyan (Drug-Free India Campaign) under tey, ekta awareness program loishey, Thonoknyu town tey para successful para organize kurishey, 31st May, 2025 tey. Itu campaign toh hoiley awareness spread kuriboley aim kurey, itu substance abuse laga harmful effect khan opor tey aru ekta healthy, addiction free lifestyle promote kuriboley itu youth khan bhitor tey. Itu event toh hoiley itu theme “Empowered Youth, Addiction-Free Future” under tey highlight kuri kena loishey, ki, itu jawan manu khan toh hoiley cital role play kurey, ekta progressive aru drug-free society build kuriboley. Itu event tey kotha kuri kena, Noklak laga Deputy Commissioner – P. Mono para chinta thaka laga janaishey, itu bari thaka issue khan opor tey, drug addiction laga, itu state tey, particular para itu jawan generation khan bhitor tey. Tai para emphasize kurishey ki substance abuse kuria para khali utu khawa manu ke hey affect kuria ekla nahoi, hoielbi itu para toh parivar khan aru community khan ke bhi bishi dangor para affect kurey. Itu awareness campaign toh hoiley ekta nationwide initiative laga part asey, Nasha Mukt Bharat Abhiyan under tey, kuntu toh hoiley Social Justice aru Empowerment laga Ministry, India laga Government para launch kuria laga thakishey, substance abuse kuria toh pura puri khotom kuriboley laga aim kuri kena, itu ekdam grassroot level tey para. Itu program tey informative session khan thakishey, aru itu saath saath counselling resources available thaka opor tey detail khan laga kotha kurishey, itu region tey, kun khan addiction logotey dukh pai asey. Ekta bishi dagor number para government official khan, community leader khan, teacher khan, health worker khan, church leader khan aru school student khan para itu event tey attend kurishey, strong community support dikhai kena, itu nimitey.
Thonoknyu Tey Drug-Free India Opor Awareness Campaign Loishey
Add Comment