Thousands manu Georgia te protest kuri shey political showdown laka agae te

Georgia, 29 December 2024: Thousands Georgia protestors khan pra capital Tbilisi te human chain banai shey political showdown nahwa agae te, nutun president sworn in nimite tayari kura time te. Nutun president, purana Manchester city footballer Mikheil Kavelashvili laka inauguration, kun ke ruling Georgian Dream party laka ally nishina dikhi ase, Sunday din te due ase. Hoileh b state laka current head, Salome Zourabichvili toh namibo leh manzur nahoi, tai laka election toh illegitimate ase koina describe kuri ase. Georgian Dream, kun 12 saal karne power te thaki shey, October te parliamentary election jiti shey. hoileh b victory to mired kuri dishey fraud laka allegations pra aro etu hoi kina protest khan hoishey. Four main opposition groups khan pra Kavelashvili ke reject kuri shey aro parliament ke boycott kuri shey. echa b unclear ase kina etu stand-off toh thik kuribo. Protestors, Georgian aro EU laka flag wave kuri kina, human chain banai shey aro kilometers lamba thaki shey Saturday din te. Ekta protestors pra Associated press khan ke koishey, tai rasta te tai laka sop ghor manu lokot ekilot bahar te ase aro koshis kuri ase etu chutu country ke Russian empire pra olai dibo leh. Georgian Dream toh aste aste recent saal te authoritarian hoi ase, Russian-style laws pass kuri ase media aro non-government groups ke target kuri kina kun foreign funding pai aro LGBT community khan. Taikhan manzur kuri nai Western sanction join kuribo leh Russia te, Ukraine te full-scale invasion hoi kina aro West khan ke ‘global war party’ mati shey.