New Delhi, 31 May 2025: India laga famous wildlife conservationist aru tiger advocate, Valmik Thapar, Saturday morning te New Delhi, Kautilya Marg te tai laga residence te muri jaise. Tai laga saal 73 thakise, aru last year cancer diagnose korise.
Valmik Thapar last 50 saal para India te tiger conservation laga ekta dangor naam hoi jaise. Wildlife aru conservation opor te 20 para besi kitab likhise, aru BBC laga famous documentary series “Land of the Tiger” (1997) bhi present korise.
Thapar 1976 te conservation world te enter korise, jitya laga mulaqat Fateh Singh Rathore, Ranthambhore Tiger Reserve laga director logot hoise. Rathore aru Thapar dui jon milikena ekta strong partnership banaise, jun India te conservation movement aru policy ke inspire korise.
Thapar tai laga last din te bhi conservation work te active thakise, specially TigerWatch non-profit organization para, jun Rathore establish korise Sawai Madhopur te.
Thapar government laga bisi important body te bhi kaam korise juntu ase: National Board for Wildlife, Tiger Task Force, jun Sariska pora tiger disappear hoa pichhite banaise reform lobo karone
Thapar ekta strong government critic thakise. Tai laga ekta famous quote ase: “Bureaucracy he besi tiger muraise, gun pora nahoi kena.”
1987 te, Thapar Ranthambhore Foundation establish korise — ekta non-profit organization, jun local manu khan ke conservation te include koribo kosis korise. Tai Dastkar, non-profit logot bhi partnership thakise, juntu displaced villagers khan ke livelihood dibo karone kam korise.
Valmik Thapar 1952 te Mumbai te jonom hoise. Tai laga ma-bap Romesh aru Raj Thapar — journalist aru Seminar political journal laga co-founder thakise. Tai laga wife Sanjana Kapoor aru ekta lorka Hamir Thapar bachi ase.
Tai laga 2012 te likha kitab ‘Tiger: My Life, Ranthambhore and Beyond’ te, Thapar tai laga mission ke etu hesaap te bujhaise: “Moi fight hotai etu karone thakise — tiger ke ekta shanti jagah dibo karone, juntu te ekta freedom logot, noise aru manu para alag thaki bo pare.”
Add Comment