(Today) September 5 – Bollywood laga bishi ruhki thaka film Baaghi 4 ahikena theater te release hoishe September 5, 2025 te. Etu film te Tiger Shroff main role play kurishe, aru tai logote sanjay Dutt, Sonam Bajwa aru Harnaaz Sandhu (Miss Universe 2021, debut film) bhi ase. Film toh A. Harsha pra direct kurishe, aru etu toh tai laga first Hindi film.
Release din te superstar Akshay Kumar Instagram te post kurishe Tiger Shroff ke wish kuribole. Akshay etu film ke “full on action-wala hungama” koikina describe kurishe, aru Tiger ke best wishes dishe. Film certify kuri dishe CBFC ‘A’ (adults only) certificate te, kintu 23 cut bhi mangi dishe. Kunba dialogue aru scene ke change kori dishe, karon bishi intense action aru expose scene thakishe.
Public reaction te bishi manu Tiger Shroff laga action, stunt aru intense acting ke appreciate kuri ase. Sanjay Dutt gunda(villian) role play kurishe, aru tai laga performance ke bhi bisi praise kurishe. Sanjay Dutt bhi koi thakishe ki etu role “moved me like Vaastav.”
Box office side te Baaghi 4 bishi takot(strong) pra shuru hoishe. Release age te 1.5 lakh ticket advance booking te bikai dishe. Analyst khan predict kurishe ki film first day te 10–11 crore taka collect kuribo koikina . Report la hisap te afternoon tak 4 crore cross kuri loishe.
Pura milaikina, Baaghi 4 shuru pra bishi hungama kurise, aru Bollywood fans karne ekta full action ride hobo lage.
Add Comment