New Delhi India, 4 August : Tilak Verma para tai laga career dey eman julti India Debut huwo kuina phabna thakia nai, huilewi itia toh tai huishey, tai agey goal toh India karney world cup jitiwo mun asey.
20 saal Verma, kun 2020 U-19 World Cup squad laga member thakishey, tai West indies laga khilaf senior India debut dey 39 off 22 balls hit kurishey, kuntu visitors 4 runs para harishey, Trinidad dey Tarouba dey, Thursday.
“Sob manu desh karney khiliboley sapna asey, mui kitia bhi muika career dey India karney eman julti khiliwo kuina phabna thakia nai, kiley kuiley Under-19 world cup piche dey coronavirus hui jaishey, toh mui phabishey mui opportunity aha toh lui luwo.” Varma kuishey BCCI para post kuria ekta video dey.
Varma kun Mumbai Indians karney khiley, 2023 IPL season laga 11 matches dey average 42.8 dey 343 runs score kurishey, jaa season laga 14 matches dey 397 scores kuria piche dey.
Kitia aha ODI world cup toh India dey October – November tak thakiwo. Next T-20 world cup, kuntu west indies aro USA para co-host kuriboley asey, itu toh aha saal June 4 para shuru huwoley asey.
Verma aro surprise ekta paishey, kitia MI saathi, South Africa laga Dewald Brevis para taikey India debut karney congratulate kurishey.
“Oh Bhai, apni bishi kushi asey kuina expect kuri asey. Mui hi bishi excited asey na ki mui najaney, huilewi mui aro Brevis family para Khali kuwo mun jaa toh, apni laga debut dey congratulations.” Brevis kuishey Ekta video dey.
Add Comment