Tillotama Shome film Sir, Netflix te release hobo

January 8, 2021. Romantic-drama film Sir toh Netflix te January 9 darik te released hobo aro etu film toh Rohena Gera para directed korishe, koikena Thursday din te junaishe. Mumbai-set film toh romantic ase, etu ghor te kam kora maiki Ratna toh  Tillotama Shome aro tai laga kam kora Ashwin para role loishe. Vivek Gomber toh US para tai laga engagement cancel hoikena India te wabas ahishe. Sir toh Cannes Film Festival 2018 sal te olaishe aro March 2019 sal te release hoboli thaka toh coronavirus bemari nemite rokishe, hoile jaa sal November moina theatres te released korishe. Gera para Twitter te jaikena audience khan logot project te morom aro motob kora nemite kushi powa janaishe. “Sir toh independent film ase aro duniyaa pura te manuh besi laga mon te juishe. Etai etu tumi khan laga ghor pongchibo ase! Sapi aro saboli koribo. Netflix te Saturday din para soruh koribo” tai para koishe. Etu film toh Gera laga directorial debut ase. Tai para industry te kam korikena 2003 show Jassi Jaissi Koi Nahin popular hoishe. Sir para Gan Foundation Award, Cannes 2018 sal te jetishe aro 2018 sal te 25 desh neshina te released hoishe aro etu Indian theatres te release nakora akhe te thakishe. Film te stars khan toh Geetanjali Kulkarni, Ahmareen Anjum, aro Rahul Vohra olabo.