New Zealand, January 12, 2024, Tim Southee bara four wickets luishey New Zealand bara Pakistan ke first T20I tey harai dia opor tey.
Tim Southee toh first player huishey 150 wickets luwoley T20 international tey jintu Pakistan vs New Zealand laga majo tey thakishey.
Tim bara Pakistan laga batting toh Khotom kuri dishey aro Babar Azam laga wicket lua biche tey Pakistan laga run chase toh biya kuri dishey 17 over tey. Babar toh 35 balls tey 57 runs banai kina thakishey aro Pakistan ke run chase tey lead kuri thakishey, huilewi Tim bara Pakistan batsman laga wicket lui dishey aro New Zealand ke Jeet haasil kuri dishey.
Openers Saim Ayub (27) aro Mohammad Rizwan (25) marishey huilewi Babar Azam toh tai laga teammates laga support pawoley paranai aro Kane Williamson bara cover tey tai laga wicket lui luishey, Ben sears laga bowling tey.
New Zealand laga batsman Daryl Mitchell bara 27 balls tey 61 runs marishey aro Captain Williamson bara 57 runs marishey 42 balls tey. New Zealand laga opener Finn Allen bara 34 runs banaishey, 24 runs marishey tai 3rd over tey jintu Pakistan captain Shaheen Shah Afridi bara bowl kurishey.
Add Comment