Entertainment

Timothee Chalamet aro Hugh Grant nutun Wonka trailer deh ahi shae

October 14, 2023
October 13, 2023: Wonka laka second trailer ahi shae Thursday din deh Warner Bros para aro alak trailer ekat release kuri shae. Etu movie tho Roald Dahl’s laka Charlie and the Chocolate Factory movie laka prequel ase. Timothee Chalamet tho of course film laka main figure, Willy Wonka play kuri bole ase. Hugh Grant tho Oompa-Loompa kun laka nam Lofty ase, etu play kuri ase.
Wonka tho December 15, 2023 deh release hobo leh ase. Timothee aro Hugh lokot deh, Wonko cast deh etu actors kana se: Rowan Atkinson, Sally Hawkins, Keegan-Michael Key, Olivia Colman aro Natasha Rothwell.
Nutun trailer deh jawan Willy Wonka laka origin kahani dikai. Tate Wonka kitia Lofty keh mili shae, etu b dikai. Trailer deh Timothee, taila chocolate maker nishi nah inventions kan display kureh aro manu kan taila chocolate first time kah b ase trailer deh.
Manu bishi orange Hugh Grant keh react kuri shae X laka platform deh. Kun pah manu para Hugh Grant tho Oompa Loompa laka role play kuri bole jonom hui shae kui shae. Alak ekjun para tho etu tweet kuri shae, “Mui enaka kubo kui nah papnah b taka nai hoile b bishi sorry Timmy keh, mui Hugh Grant laka Oompa Loompa karne sai ase movie tho.” Aro ekjun para tho etu kui shae, “Wonka laka nutun trailer ahi shae, aro Hugh Grant, Oompa Loompa laka role play kura thoetu sal laka movies kan deh muila favorite ekta.”