Mumbai, September 24, 2026: Tinta kam kurea manu mure she ekta wall tai khan laga opor te gerea piche ekta rubber factory te, kunto Palghar district te ase Mumbai osor te, Thursday laga phojor te.
Murea te dua jun toh mota thake she aro ekta toh maiki thake she. Accident toh Tina Rubber factory te hoi she 10 am phane. Tai khan ke ekta hospital te loi jai she hoile be doctor khan para koi she ki tai khan mure jai she.
Tai khan laga nam toh Keshav Gunguna, 55, Ranjana Komb, 35, aro Mira Gawli thake she. Sarpanch Pramod Patil para koi she ki wall laga piche te beshe bosta rukhe kena thake she, etu karne wall toh gere jai she, load toh bukhe bole napa rea toh.
