Sweden, 30 April 2025: Tinta manu ke murai dishey shooting te Swedish city Uppsala laka, police khan pra confirmed kuri shey. Shooting toh hair salon te hoishey Vaksala Square osor te city laka centre te, local media pra report kuri shey. Shooter toh, kun scooter te pulai jaishey, echa b pulai ase, reports laka hisap pra. Officers khan dangor jaka toh cordoned off kuri shey aro murder investigations toh jai ase. Hasta toh Walpurgis spring festival laka eve te hoishey, kun toh manu bishi ke aneh Uppsala laka rasta khan te, ekta city kun toh capital Stockholm laka north te ase. Aro taikhan laka university nimite jani pai. Ekta witness pra Swedish channel TV4 ke koishey, Ki hoishey eman joldi hoishey, Bang, bang bang hoi na khotom hoishey.
Alak manu pra koishey tai toh ghor te cook kuri thaki shey kicha tai duita bangs laka awaz ahishey fireworks laka nishina rasta te jai thaka. Tai pra Swedish television ke koishey tai toh surprised aro bhui khai shey aro olop deri hoi kina police aro ambulance khan jama hoi jaishey. Etu hoi kina rasta khan block kuri shey aro manu khan ke pichi hatai dishey. Ekta victim ke toh investigate kuri shey alleged plan hamla opor te gang leader laka relative against te, Swedish national broadcaster SVT pra report kuri shey.
Sweden te recent saal te concern uthi ase shootings aro gang hamla laka number opor te. Aro government khan pra koishey taikhan country laka gun laws toh tight kuribo mon ase. Ekta dangor effort jai ase shooter ke bisaribo leh, tadeh ekta police helicopter b search te hisa loi ase, police spokesperson Magnus Jansson Klarin pra TV4 ke janai dishey. Train Services toh jaka te rukhai dishey shooter ke pulabo leh rukha boleh.
Add Comment