October 25, 2024, 04:37 PM : COPTA Act 2003 ke majbut kuriboley, Tizit Sub division tey, ekta notun para Enforcement Team form kurishey, tai khan para ekta surprise raid conduct kurishey, Tizit Area, Mon laga aas paas phaney, 24th October, 2024 tey.
Itu team toh hoiley SDO (c) Tizit, Tumben P. Tsanglao para chulai jaishey aru tai ke O/C Tizit, Police Station, Nzambemo Lotha, Consultant, NTCP Mon, E Nyeamying Konyak, Head Dobashi, President TASU aru police personnel khan para accompany kurishey.
Pura puri 23 defaulter khan ke penalize kurishey, itu raid tey, COPTA 2023 under tey, kotey toh hoiley 18 defaulter khan ke, COPTA Sec 6 (b) under tey – tobacco product khan education institution khan opor tey Prohibition thaka under tey book kurishey aru 5 defaulter khan ke, COPTA Sec 5, kuntu toh cigarette khan laga advertisement opor tey Prohibition thaka laga asey, itu under tey book kurishey.
Add Comment