TMC leader Mukul Roy laga maiki morishe

New Delhi: Trinamool Congress leader Mukul Roy laga maiki Krishna Roy toh Tuesday din Chennai hospital te morishe, koikena tai laga ghor manuh para khobor toh junaishe. Krishna Roy toh cardiac arrest para morishe, tai toh Covid bemari thura beche besi din para bemar thakishe. Krishna Roy ke olop din akhe Kolkata para Chennai te loikena jaishe. Tai para jarikena jowa toh motha aro chokra Subhrabgshu. Wednesday din tai laga body toh West Bengal te loikena anishe, koikena khobor para janaishe. West Bengal Chief Minister Mamata Banerjee aro Governor Jagdeep Dhankhar para tai mora oper te mon duhk howa janaishe aro TMC supremo, Banerjee para MLA laga ghor toh etu din te jaikena visit korishe. TMC MP Abhishek Banerjee toh Krishna Roy laga besi osor sathi ase, tai jaikena family khan logot visit korishe. “ami laga mon dukh howa toh @MukulR_Official Mukul Roy, Former Union Minister aro MLA, WBLA ke tai laga maiki Mrs. Krishna Roy mora nemite janai ase koishe. Oper wala logot parthana kori ase ke tai laga atmaa toh shanty thakiboli aro ghor manuh aro sathi khan ke takot thiboli,” koikena governor para janaishe. Mukul Roy toh BJP ticket para election te kamyaab paishe hoilebi, olop din akhe te tai laga purana party TMC te wabas jaishe.