Kolkata, 11 August: Sunday din West Bengal Chief Minister and Trinamool Congress president Mamata Banerjee para Durga Pujo committees ke income tax notice deya ke kelaaf koribo koise. CM Banerjee para tai laga party toh Tuesday deh kelaaf koribo koise.
Tweet deh Banerjee koise, Income Tax Dept para Durga pujos organise kora community khan ke notices deshe aro tai khan ke taxes debole koise. Ami khan toh ami khan laga national festivals deh proud ase”.
Tai koise, “Etu bihu toh sob nemide ase aro ami khan ke laga pujo bihu deh hoilebe tax debole mon nai. Etu toh organizers khan nemide dekthari powah laga hobole ase. Poila Bengal government para tax withdrew kora thakise. Ami khan Durga pujo aro Durga puji committees je taxation mangka deh kelaaf kori ase aro tax namangkibo nemide demand kori ase.
TMC Chief koise, Tuesday, August 13 deh Trinamool Congress Banga Janani Wing toh IT notices deh kelaaf korikena dharna deh bohoi thakibo.
Etu agae July 22 deh, Banerjee para BJP ke kelaaf korikena koise, puja committees ke income tax lga rader pethor deh na-annibo laki.
Banerjee para Zilla Parishad members logode meeting lowah bechide koise, “ketiya election ahai tai khan Hindu-Muslim kori. Ketiya election ahai tai khan etu side aro otu side kori. Bihu toh Bihu ase. Ami khali ekta kobole mon howah toh, judi kunbah party para election nemide fund jolaise koile etu toh income-tax pethor deh nahai. Etu para puja committees para puja kora toh income tax pethor deh nahaibo laki”.
Tai koise, “Etu toh public khan para donation deya laga ase. Puja committee ke Income Tax pethor deh anna ke ami kelaaf kori ase. Etu toh puja deh insult kora laga ase. Etu toh community programme ase. Tai khan ke dukh deya dekhi kena ami laga mon bekhaise. Election time deh tai khan Hindu laga side deh thakise aro election bechide tai khan etu kori ase”.
Add Comment