NEW DELHI | February 13: Trinamool Congress pora Tuesday te BJP ke Assam te “ganda politics” kheli ase koikena bodnam korise aro Union government ke state te Bengali manu khan bhal pora rakhibo karne wada koribole koise.
Lok Sabha te Tuesday te Zero Hour samoy te etu mamla olai kena, Trinamool Congress (TMC) MPs Dinesh Trivedi aro Adhir Ranjan Chowdhury pora koise ki northeastern states te thakiya Bengalis khan bhoi pora buhi ase.
“Moi khan pora dekhise ki kenika Assam te thakiya Bengalis khan ke din te biya morai diye. Apuni khan etu hosa kotha ke manibo ki moi khan laga delegation jaikena nijor laga soku pora kenika Bengalis khan ke tate moraise, etu dekhise,” Trivedi pora koise.
“BJP khan laga etu ganda politics toh rukhibo laage. Apuni khan Assam te Bengalis khan mora rukhaibo laage,” tai pora koise.
Chowdhury pora koise ki Bengalis khan West Bengal laga bahar te khana-dankha bisaribole jai hoilebi tai khan Assam te bhoi pora buhiye.
“Tai khan ke morai di ase. Centre pora state ke tai khan laga shuraksha koribole wada dibo laage,” tai pora koise.
(IANS)
Add Comment