Wokha, November 6 – Tokhü Emong Mini Hornbill Festival laga opening programme 5th November 2025 te Public Ground, Wokha te rakha hoishe. MLA aru Chairman of SDPDB Bhandari, Achumbemo Kikon, eitu occasion te Special Guest hisap te graced kuri dishe.
Tai laga speech te Kikon emphasise kuri dishe responsibility aru critical thinking laga importance upor te, juntu growth aru prosperity laga rasta khuli dibole help kuribole. Tai Tokhü Emong Festival laga historical significance mention kurikina koishe, juntu time immemorial para celebrate kuri ahi ase, aru etu Lotha community te unity aru progress anibole important role play kuri thake.
Tai koishe ki society te transformation, better relationship, aru true brotherhood develop kuri bole amikhan laga mind enlighten hobo lage. Community development laga importance upor bhi tai stress kurikina koishe, aru collective effort para social impact anibole call kuri dishe — juntu te sanitation initiative pura Wokha district te include ase. Tai etu effort ke climate resilience aru sustainable development logote link kuri dishe aru citizens khan ke encourage kuri dishe ki nijor community te guiding light hobo.
Tai Lotha citizens aru intellectuals khan ke encourage kuri dishe ki clarity aru compassion logote lead kuri jabole aru Naga society te active participation promote kuri jabo.
Programme President Lotha Students’ Union, Lirhonthung Kithan para lead kuri dishe, welcome address Lotha Hoho Advisor, Thungjamo Erui para deliver kuri dishe, aru special folk song Wokha Town Mekokla Ekhung para perform kuri dishe.
Formal programme pichete, Achumbemo Kikon para festival stalls inaugurate kuri dishe, aru various folk song competition aru cultural activities rakha hoise juntu celebration laga shuru mark kuri dishe.
Tokhü Emong toh Lotha Naga community laga main harvest festival ase, every year November first week te celebrate kuri thake. Etu agricultural season end kuribo laga time aru thanksgiving, reconciliation aru family aru village khan majote bond renew kuri thaka homoi ase. Traditional way te etu festival feast, folk song, dance aru gift exchange logote observe kuri thake. Tokhü Emong Lotha khan laga rich culture aru communal spirit reflect kuri thake. Celebration ke alava, etu unity, social reflection aru progress envision kuri bole ekta platform bhi ase.
Add Comment