Agencies, 01 August: Veteran actor Tom Hanks toh filmmaker Wes Anderson laga next movies te cast te melishe. The Hollywood Reporter hisab te, 65 omar actor toh movies te olob role kora thakibole ase. Hanks toh Anderson’s frequent collaborators Adrien Brody, Bill Murray aro Tilda Swinton logote melishe project te. Plot laga khobor najanaise koilebe notun movie toh Spain te shot kora thakibole ase.
Anderson ke toh The Royal Tenenbaums, Moonrise Kingdom, The Darjeeling Limited aro The Grand Budapest Hotel nesana te direct kora para jani.
Filmmaker laga sobse notun movie, The French Dispatch toh etu par 2021 Cannes Film Festival te ola thakise.
Film toh Disney-owned Searchlight Pictures para ahishe aro cast te mela Benicio del Toro, Lea Seydoux, Frances McDormand, Timothee Chalamet, Lyna Khoudri, Jeffrey Wright, Mathieu Amalric, Steve Park, Owen Wilson, Murray, Brody aro Swinton ase.
Etu toh US te October 22, 2021 te olabole scheduled ase.
Hanks toh duniya laga news te dekha thakise. Tai ke toh next Amblin’s sci-fi feature Finch, Baz Luhrman’s Elvis Presley musical movie aro Robert Zemeckis’ Pinocchio te dekhibole ase.
Add Comment