Los Angeles, 20 December : Hollywood star Tom Holland nijor upcoming film “Spider-Man: Brand New Day” laga shooting pura korise.
Film Destin Daniel Cretton direct kori ase aru theatres te 31 July 2026 te release hobo. Film tou te Zendaya, Jacob Batalon, Sadie Sink, aru Liza Colon-Zayas bhi ase, aru actors bhi thakibo.
Director tou Saturday din nijor Instagram handle te kunba pictures share korise, juntu te tai nijor logote Tom Holland bhi ase. Itu pichete film laga pura crew laga ekta group photo bhi post korise.
Film tou ke Erik Sommers aru Chris McKenna likhise—duijon age Spider-Man: No Way Home bhi likhise. Itu project Sony–Disney collaboration laga ekta important moment ase, juntu pora Spider-Man ke Marvel Cinematic Universe bhitor thakibo dibo parise.
“Spider-Man: Brand New Day” laga alawa bhi, Holland Christopher Nolan laga upcoming film The Odyssey te bhi dekhibole pabo. Film tou ancient Greek epic poem Odyssey pora inspired, juntu Homer likhise. Film tou te Matt Damon, Zendaya, Robert Pattinson, Lupita Nyong’o, Anne Hathaway, aru Charlize Theron laga dangor star cast ase.
Add Comment