Rio de Janeiro, 24 February : Tomas Martin Etcheverry Rio Open te nijor prothom ATP title jitise
Tomas Martin Etcheverry Rio Open te nijor career laga prothom ATP Tour title jitise. Argentine khiladi championship match te Alejandro Tabilo ke 3-6, 7-6(3), 6-4 score te harai kene trophy uthai loise.
Saturday din barish karone Etcheverry laga semi-final match postpone hoi jaise. Kintu Sunday (local time) din tai duita match lagatar kheli, strong determination aru patience dekhai kene finally ATP 500 title secure korise.
Itu victory laga loge, Etcheverry ATP Live Rankings te 18 position jump kori No. 33 te pohonchise. Last year February pora pichete, Itu bar tai first time Top 40 te wapas ahise.
Men’s doubles final te, Brazilian jora Joao Fonseca aru Felipe Melo German Constantin Frantzen aru Belgian Robin Haase ke 4-6, 6-3, 10-8 te harai kene men’s doubles title jitise.
Add Comment