London, 21 May : Football toh aji kali bishi alvida logot deal kuri asey, aji nishna, evergreen German aro Real Madrid midfielder Toni Kroos para announce kurishey ki tai EURO 2024 piche dey football laga sob form para retire huwo.
Itu midfield maestro para bhi mention kurishey ki Borussia Dortmund laga khilafUEFA Champions League Final toh tai Real Madrid karney khilia last khel thakibo.
Kroos laga decorated career dey total five UEFA Champions League titles milaina asey, Real Madrid aro former club Bayern Munich tuita dey bhi, aro coveted FIFA World Cup, kuntu tai Germany logot 2014 dey luishey.
Itu German ke Madrid dey 2014 dey Santiago Bernabeu ke grace kuriboley anishey, aro tai laga notun midfield partner-in-crime Luka Modric logot, agey janai khel para dikhia sobse bhaal midfielders maju dey ekta huwo.
Kroos para Real Madrid logot four La Liga titles luishey aro Bayern Munich logot bhi three Bundesliga titles luishey tai laga illustrious career homoi.
Add Comment