June 18, 2025, 04:23 PM: Itu top 50 student khan nimitey Chief Minister’s Meritorious Students Fellowship loishey, kun khan itu HSLC Examination 2025 tey bhal para exam dhalishey, itu Nagaland Board of School education (NBSE) para conduct kuri kena, itu State Banquet Hall Chief Minister’s Residential Complex Kohima tey para conduct kuri kena, 18th June, 2025 tey.
Chief Minister Nagaland, Dr. Neiphiu Rio para mention kurishey ki, itu toh hoiley ekta proud hoa laga aru celebrate kuria laga homoi asey, felicitate kuriboley aru honour kuriboley karney, itu top 50 student khan ke moi khan laga State laga, itu HSLC Examination 2025 tey. Tai para tai laga mon chuwa laga congratulation janaishey, itu sob ke koishey, ki, tai khan laga commitment, hard work, aru determination para tai khan laga parivar khan, school khan arum oi khan laga State ke bishi para proud banai dishey. Tai para koishey, ki, tai khan toh hoiley aha din laga torch bearer khan asey, aru tai khan ke encourage kurishey, excellence nimitey continue strive kuriboley karney, tai khan laga academic journey tey aru itu para bhi bishi wala tey.
Rio para student khan ke advise kurishey, aru bhi though challenge khan face kuriboley tyaar thakiboley karney aru tai para student khan ke ekta majbut sense laga discipline instil kuriboley urge kursihey aru sound moral value khan bukhi kena agey bariboley koishey, kuntu para tai khan ke tai-khan-laga life ke bhal para loijaboley asey.
Itu CMMSF laga grant para paach saal nimitey award kuriboley asey. Eneka thakilebi, itu CMMSF laga objective achieve kuriboley karney, itu annual academic performance, 50 award kuri kena thaka student khan laga toh hoiley continue para monitor kuriboley lagibo. Itu fellowship avail kuriboley karney, itu student khan toh hoiley 80% nahoiley itu para bishi wala mark khan score kuriboley lagibo, itu promotion/annual/ semester examination khan tey, itu paas hoi kena jawa class khan / grade khan tey, hudai saal. Judi itu kuriboley napara hoi jaishey koiley, itu CMMSF laga grant toh discontinue hoijabo, koishey, tai para.
Add Comment