Top Maoist maiki leader para police logot surrendered

New Delhi: Friday din Hyderabad te top woman Maoist leader para police logot surrendered korishe. Tai laga nam toh Jajjeri Samakka alias Sharada aro tai laga motha nam toh former Telangana Maoist leader Haribhushan alias Yapa Narayana, olop din akhe Covid-19 bemar para morishe. Sharada para Telangana DGP M. Mahender Reddy osor te surrendered korishe. Tai toh Bhadradri Kothagudem-East Godavari Divisional Committee, CPI-Maoist laga member thakishe. DGP Reddy para janaishe ke, tai surrendered kora toh health problems aro motha mori jowa nemite ase aro tai para koishe ke itya toh Maoist ideology logot besas natha nemite. Jowa 25 saal neshina underground jevan thakai samai, tai para security forces logot 5 paar neshina larai korishe aro tui(2) jun manuh ke morai thishe. Tai toh 25 crimes te samil thakishe aro tai oper te Rs 5 lakh eman thakai ase. DGP Reddy para para aro koishe ke, tai itya laga halat janikena eku faitha nai, etu nemite manu logot sati hoikena government laga polices te kam koriboli koishe. Sharada para koishe ke, tai itya Maoists logot melikena kam koriboli mon nathaka hoishe aro tai para Maoist cadres khan ke bantok jarikena mainstream te wabas ahiboli janaishe. DGP para tai logot demand draft Rs 5 lakh toh rehabilitation nemite thishe aro etu oper te Rs 5,000 toh itya samai jolaboli thishe. Tai toh Mahabubabad district, Gangaram bosti para ase aro tai Maoist party te 1994 saal te joined korishe. Haribushan logot 1995 saal te shati kora beche, tai Dalam member te 1998 saal dak kam korishe, etu beche tai North Telangana Special Zonal Committee (NTSZC) te 1999 para 2000 saal dak first platoon member hoikena kam korishe. Sharada para SP osor te Warangal te 2008 saal te surrendered korishe hoilebi tai aro 2011 saal te Maoists te joined korishe. Tai para koishe ke jowa 6 moina akhe te, 20 cadres neshina party para pulai jaishe. Maoist Central Committee te 25 members ase aro 11 jun toh Telangana para ase, tin(3) jun toh Andhra Pradesh para ase aro baki toh 11 jun toh dosura states para aha manu khan ase koishe.