South Carolina, 5 April : World number four Jessica Pegula ekta set aru break down thaka pora fight back kori kene Friday din defending champion Danielle Collins ke 1-6, 6-3, 6-0 pora harai diki Charleston, South Carolina te chol thaka WTA clay court tournament laga semi-final te reach korise.
“Etu ekdom tough thakise,” Pegula koise, juntu 6-1, 2-0 pora piche thaka pora last 13 games pora 10 jitisey — aru last 9 games straight loi jaise match finish koribole.
Top seed thaka Pegula etiya semi-final te Russian player Ekaterina Alexandrova logot face koribo, juntu Paris Olympics gold medallist Zheng Qinwen (China) ke 6-1, 6-4 pora harai diki semis te ulaise.
Alexandrova etu season laga third semi-final te reach korise, aru etu hoise Zheng logot tai laga third win — sob match jitise.
Alexandrova tai face korise thaka tinita break point sob save korise, aru tai laga five break point pora tinta convert korise against Zheng, juntu match te sirf 8 winner mari pare aru first set te tai laga right arm te treatment loise.
Dusra American player Sofia Kenin, juntu 2020 Australian Open champion ase, bhi semi-final te ulaise, Russian Anna Kalinskaya ke 6-4, 6-3 pora harai kene.
Kenin, juntu last time Tokyo te semi-final reach korise, etiya last four te American eighth seed Amanda Anisimova logot khelibo. Anisimova charta seed Emma Navarro ke 7-5, 7-6 (7/1) pora harai diki semi-final te ulaise.
Add Comment