Digboi, 18 November : Indian Oil Corporation Limited (Assam Oil Division) itu sal ekta dangor sporting event host kuri ase, jitia 25th edition IndianOil SERVO Masters Golf historic Digboi Golf Links te shuru hobo.
India domestic circuit te sabse dangor aru longest-running professional golf tournament hisab te respect pa thaka itu championship PGTI (Professional Golf Tour of India) laga under te November 18 pora 21 tak cholibo. November 16 te Pro-Am event bhi organise kori loise. Itu silver jubilee edition ekdom special hoise, prize money history te sabse dangor kori raise kuri Rs 85 lakh pora Rs 1 crore tak loi dise. Itu pora IndianOil laga commitment — India te professional golf develop kori bole — aru bisi strong hoise.
124 professional golfers itu title karone compete kori bole ahi ase, jun majot khali top 50 aru ties he last rounds te jabo. India laga top players — Yuvraj Sandhu, Arjun Prasad, Shaurya Bhattacharya, Veer Ahlawat, Om Prakash Chouhan, Manu Gandas aru Viraj Madappa — PGTI tour te consistent performance pora leading contenders hisab te uthi ahi ase.
International side bhi strong ase — 8 desh pora 17 foreign professionals ahi ase. Czech golfer Stepan Danek main highlight te ase, jun recent performance pora ekta barikor contender hisab te uthi ahi ase. Sri Lanka, Bangladesh, United States, Italy, Kenya, Nepal aru Uganda laga players bhi join kuri ase, juntu pora itu event laga global status dangor hoi jai ase. Digboi te base thaka professionals — Deepraj Chetia, Deven Bhumij, Dulal Kalowar aru Alok Barua — local community ke represent kori bole proud ase.
Tournament shuru hobo laga age Digboi Golf Links office te ekta press briefing rakha hoise. Itu te preparation, challenge aru expectation laga bikhoy te detailed information diya hoise. Event organise kori thaka main dignitaries bhi attend kuri loise.
International golfer Stepan Danek Digboi course laga unique nature te appreciation dikhaise. Tai course laga serene beauty aru challenging layout ke ekta special experience buli praise kori loise. Digboi Golf Links laga Golf Captain, A. Longkumer, course ke world-class standard te loi jabo karone rakha meticulous effort bikhoy te highlight kuri loise, especially itu silver jubilee occasion karone.
Organising side pora Suryyadip Dhingia, CGM (T) aru organising committee laga core member, IndianOil, PGTI aru Digboi golfing community laga bitor te thaka coordination bikhoy te detailed janai dise — juntu karone itu tournament exceptional experience dibo pari bo. Rahul Prashant, ED & RH, Digboi Refinery, SERVO Masters kiman bisi dangor tradition te convert hoise itu bikhoy reflect kuri loise — sporting excellence aru region laga cultural heritage duita combine kori.
John Prasad, ED (CC & Branding), IndianOil laga broader sporting vision aru branding initiatives bikhoy te koi dise — jun pora SERVO Masters India laga recognisable golf event majot ekta hoi jaise.
Safety aru environmental responsibility te IndianOil laga commitment reaffirm kuri loise Dhanjit Baishya, CGM (TS & HSE). Tai refinery te thaka rigorous safety protocols aru sustainability practice tournament te bhi apply kuri ase buli emphasize kori loise. India laga top contender Yuvraj Sandhu media ke koi dise Digboi course ekdom immaculate condition te ase aru tai full confidence te tournament face kori ase.
IndianOil laga leadership tournament laga 25 saal laga extraordinary journey ke appreciation dikhaise. A. S. Sahney, Chairman, IndianOil, pride te koi dise SERVO Masters India te ekta most respected professional golf event banise. Tai koi dise — jitia energy progress ke drive kore, sport growth ke inspire kore — aru SERVO Masters IndianOil laga dream energise kori bole, community empower kori bole aru inclusive sporting future nurture kori bole commitment represent kore.
Add Comment