LASHKAR GAH: Afghan officials and Taliban members Sunday te koishe Taliban laga top commander air strike te murishe. Taliban commander mura toh Afghanistan laga southern province Helmand te hoishe. Etu toh Afghan aro U.S. Special Forces laga joint operation thakishe.Governor Mohammad Yasin Khan koishe Abdul Manan toh Helmand province laga insurgent group laga incharge thakishe. Tai local commanders aro fighters khan logot Nawzad district, Helmand province te lok kora samay te murishe. Saturday air strike te Abdul Manan aro tai logote dushra 29 manu aro murishe. Abdul Manan mura toh Helmand jaga laga Taliban members aro neighbouring Kandahar province para confirm korishe. Hoile bhi U.S. military para initially confirm kura nai.Afgan officials koishe Mullah Manan aro tai laga Taliban fighters olop saal para Helmand jaga te aste(steadily) control increase hoi thakishe. Mallah mura tohAfghanistan karne bishi dangor success ase. Mullah Manan toh south Afghanistan laga sob para senior Taliban commander thakishe aro tai mura toh security te dangor impact dibo. ekta senior security official Kabul te koishe.Manan mura laga khobor toh Western-backed security forces aro Taliban para ahishe. Etu para 17-year Afghanistan laga larai toh shanti para settle koribole moka dishe. U.S. special envoy Zalmay Khalilzad aro Taliban representatives contact koribole suru korile bhi larai kom(decrease) hubole eku sign nai. Duita side bhi shanti anibole kotha koribole aim kori ase.
Add Comment