Tottenham khan Newcastle khe 5-1 teh harianah English Premier League teh top four jaka teh buheh ase. Ben davies, Matt Doherty, Son Heung-min, Emerson Royal aro substitute Steven Bergwijn khan gaol dhalishe 2022 league teh.
Newcastle khan lead lubo parishe Fabian Schar laka free kick 39th minute teh hoilehbi Tottenham khan bhal kheli thaka rukhabo napara huijaishe, tai khan sob jaka para khelina ahishe aro wing back Doherty aro Royal gaol dhaliboleh bi ahishe.
Tottenham khan fourth jaka teh goal dhaleh teh aro Arsenal laka ageh ase. Tottenham aro Arsenal khan pastah points Chelsea piche ase third-place teh.
Newcastle khan tintah games harishe league teh, ageh teh aatah games naharina thaka, aro etia 15th jaka teh ase nine points ageh ase bottom three opor.
Tottenham khan bhal khelishe char minute bitor equalize kurinah, tateh Son para Davies khe cross dinah heading kurinah defender khan goal ageh dhala shuru kurishe.
Harry Kane laka cross teh Doherty para heading marina goal kurishe aro 2-1 huijaishe 48th teh, etu piche choi minute piche teh Son para score kuribo parishe.
Royal tai laka ageh goal dhalibo parishe Tottenham karneh 63rd teh aro Bergwijn 83rd teh goal dhalina tai khan 5-1 teh jetishe.
Add Comment