Kohima, 15 April: Advisor for Tourism, Art & Culture, H Khehovi Yepthomi para Suruhuto Town, Zunheboto te notun Police Station aro SDO (C) office toh Wednesday, April 14th, 2021 te inaugurate korise.
Advisor para Suruhuto laga manu khan nemite historic din ase koise kelay koile ek din te tuita building inaugurate kora nemite. Tai para SDO (C) office building laga contractor, Shivikhu Shikhu ke besi dekthari lok powa thakise koilebe building kothom kora nemite dhanyabad korise. Aro project suru kora former Parliamentary Secretary Shetoyi ke be dhanyabad janaishe. Tai para Suruhoto laga manu khan laga needs te shaa nemite dhanyabad korise. Advisor para be manu khan ke office properties te phal para sabole koise aro tai para be judi census te register nahoile nejor para register koribole janaishe.
SP Zunheboto, T Uniel Kichu, IPS para Suruhuto te police station bonabo nemite Advisor para initiative lowa nemite dhanyabad korise aro police para best koribo manu khan nemite ektum phal notun police station bonabo nemite koise aro manu khan para support lakiya koise.
DIG (Range/NAP) Tuensang, Rajashekara N para Suruhuto laga manu khan ke dhanyabad korise police station aro SDO (C) office building laga inauguration ceremony te kamiyab bona nemite aro etu toh tri-junction ( Tuensang, Noklak aro Zunheboto etu town para aha-jaa) nemite office toh kaam laga hoise koise.
DC Zunheboto, Peter Lichamo para public khan administration aro government logote co-operate nemite request korise aro manu khan para mathi debole nemite encourage korise kelay koile developmental kaam toh lobole paribo nemite.
Police station inauguration te, SDO (C) Suruhuto, Dr. Kuzonyi Wide otoh program te chaired thakise. Dedicatory prathana Kavili, women leader para korise. SDO (C) Office building inauguration te, Vikaho Zhimo toh program te chaired thakise aro invocation Asso. Pastor Women, Kikatoli para aro welcome speech PRO to Advisor, Kavito Jakhalu para deshe. Contractor Shivikhu Shikhu para technical report present korise.
Add Comment