May 18, 2026, 6:20 PM: Itu Tourism laga Department, Nagaland Governor para ekta overview present kurishey, tai khan laga key initiative khan, achievement khan, challenges aru future plan khan laga, ekta review meeting loa laga homoi tey, kuntu toh hoiley Nagaland Governor – Shri Nand Kishore Yadav logotey loishey, itu Naga Bhavan Conference Hall, Lok Bhavan, Kohima tey, 18th May, 2026 tey.
Itu meeting laga homoi tey, Secretary Tourism, Shri Nchumbemo Lotha para itu Governor ke tourism laga development laga progress hoi haka laga opor tey khata para koishey, itu state tey hoi thaka laga.
Itu department para tai khanlaga vision aru bhi koi kena janaishey, sustainable tourism promote kuria laga.
Official khan para bishi alag alag major tourist attraction khan highlight kurishey, Dzukou Valley bhi milai kena, kuntu toh hoiley “Valley of Flowers,” Khonoma Green Village koi kena bhi jani pai thakey, kuntu toh hoiley India laga poila green village hisap recognize hoi kena asey.
Itu meeting tey community-driven tourism initiative khan laga success highlight kurishey, bosti khan tey, Khonoma aru Dzuleke khan nishina, kotey conservation aru sustainable tourism practice khan toh hoiley livelihood opportunity khan banaishey, local community khan nimitey.
