Phuket, Thailand: Thursday din te akhe wala international travelers khan holiday hotspot te ahise Phuket te ekta quarantine free scheme bithor te etu te Thailand khan kosish kuri asde etu biya wala tourism industry bithor te aro etu bi sobse biya wala coronavius outbreak thakishe.
Tourismn toh thai economy te fifth wala ase aro etu covid 19 pandemic para bishi biya wala performance thakishe 1997 asian financial outbreak te thaka para.
Etu kingdom khan bhabona kuri ase lagithaka revival nimete etu kuwa te.Thursday din te flights te thaka komti hoilebi 200 passengers khan Israel United Arab Amirates Qatar aro Singapore te etu island te punchibole ase.
Etu akhe wala 25 travellers khan Etihad airways flight para punchise saam nohoa akhe te aro screening procedures khan loishe.
Etu bithor te Omar Al Raessi, UAE para thakishe kun khan island 15 bar aaha toh aro aat din te thakibo.
37 umar manu para koikena janaishe”dui sal neperaikena thaka pichede mui Phuket sand box ke chunishe mui laga mon bodli kuribole nimete.
French consultant Bruno Souillard, 60, para koikena janaishe etu scheme para tai ke tai laga holiday ghor para bahar te thakibo Thailand te quarantine nakurikena.
Etu toh thik nai vacation toh hotel te bondh kurikena 15 din nimete thaka toh aro ami khan bondh huwa nai.
Dukh napaikena thaka
Etu quarantine free scheme ola toh Thailand khan bishi biya wala covid 19 wave pichede hoishe aro etu Alpha and Delta coronavirus variants ola pichede hoishe.
Pura desh te etia laga case tally toh 260000 nishena ase.hoilebi Phuket toh dikdaar hoikena thaka nai authorities khan para mass vaccination campaign olaishe etu quarantine free arrivals nimete etu te 70 percent island te thaka khan khali ekta dose paikena ase.
Prime Minister Prayut Chan-o-cha toh beraishe Phuket te etu olabole nimete aro koikena janaishe etu pilot scheme para basis khan dibo etu pura desh khulibole nimete October moina te.
Aro ekta regional tourist hotspot Bali toh July te khulibole nimete bhabona kuri ase hoilebi Indonesian authorities khan olaishe nichete girikena etu te virus cases toh record levels te utha pichede.
Aro Jakarta para khobor dishe ekta official hataidiya comments khan etu haafta tourism minister para diya te koikena janaishe ki etu tourist ke wapas matibole bid toh diri kuribole nishena ase infections khan nahata tak.
Add Comment