Track legend Milkha Singh morishe, state honour deshe

Agencies, 19 June: Track legend Milkha Singh toh June 18, 2021 te post-Covid complications nemite morise. Tai ke Covid-19 nemtie positive tested toh May 2021 te thakise. Tai laga omar 91 thakise.

Milkha Singh’s family para tai toh 18^th of June 2021 laga 11.30 pm te morishe koise.

Family para legendary sprinter toh ektum dukh pai kena fight korise hoilebe Isor para tai ke loijaishe koise.

Family para PGI te doctor khan ke tai khan laga kosish nemite monn kushi powa janaishe aro duniya para morom aro prathana powa nemite be.

Milkha Singh ke toh jowa moina Covid-19 nemite positive test powa thakise aro tai laga khor Chandigarh te isolate kora thakise aro etu bechite ICU of Post Graduate Institute of Medical Education and Research (PGIMER) hospital, Chandigarh te admit howa thakise.

State Honours:

Iconic sprinter Milkha Singh ke toh Saturday te State Honours logote jolaishe (cremated). Tai laga family members aro besi dignitaries te sports minister Kiren Rijiju be melikena samaan korise. Late Milkha Sing ke toh ‘The Flying Sikh’ para jani.

Tai laga bacha aro ace golfer Jeev Milkha Singh para funeral pyre othaishe.

Punjab Governor and Chandigarh Administrator V P Singh Badnore, Punjab Finance Minister Manpreet Singh Badal, Haryana’s Sports Minister Sandeep Singh toh tusara dignitaries khan majote thakise last rites te.

Mikha ke be gun salute deshe.

Punjab government para ek-din state mourning janaideya thakise aro legend laga saman te mark koribole hisab te ek din holiday janaishe.

Chief Minister Amarinder Singh para Punjab government toh Milkha Singh ke state funeral accord koribole ase kowa thakise.

Padma Shri awardee, Mikha laga nicknamed toh ‘The Flying Sikh’ ase tai laga kamiyab nemite. Aro tai toh Jeev aro tuita chokari (daughters) logote jinda thaka ase.

Legendary athlete toh four-time Asian Games gold medallist aro 1958 Commonwealth Games champion thakise. Hoilebe tai laga gara performance para 1960 Rome Olympics laga 400m final te fourth jaga te kothom howa thakise.

Italian capital te tai laga samai 45.6 sec para 38 sal nemite national record te thakise. Etu bechite 1998 sal te Paramjeet Singh para record bona thakise.

Tai be India nemite 1956 aro 1964 Olympics te represent kroa thakise aro tai ke Padma Shri award toh 1959 te powa thakise.