September 15, 2025, 06:39 PM: Bishi jaga laga alag alag jaga tey mudslide khan aru landslide khan hoa para, Chathe, Paglapahar, aru New Chumoukedima laga raasta khan tey, NH-29 laga, itu Dimapur Police laga Commissioner laga Office para ekta advisory issue kurishey, state kuri kena ki, aha jawa kuria gari khan Chathe Bridge para New Chumoukedima Bridge tak tey, bon thakiboley asey, raasta toh aru- nabana tak.
Itu advisory toh hoiley September 14, tey issue kuria laga thakishey, yatey alternate raasta khan outline kuri di kena asey, gari khan aha jawa kuriboley nimitey, Dimapur aru Kohima majetey.
- Pimla–Mhaimantsi–Jharnapani/Medziphema route: Light Motor Vehicles (LMV) khan ke 6:00 AM para 6:00 PM tak tey permit kuriboley asey. Heavy Motor Vehicles (HMV) khan ke Pimla–Mhaimantsi–Jharnapani–Medziphema tey para jaboley koishey, 6:00 PM aru 12:00 AM majetey, September 15th para shuru kuri kena, aji. Medziphema–Jharnapani–Mhaimantsi–Pimla para HMV khan 12:00 AM para 06:00 AM majetey aha jawa kuriboley allow kuribo koishey, September 15th aji para effect kuri kena.
- Niuland–Ghotoivi–Zhadima route: Itu raasta tey toh hoiley Light Motor Vehicles (LMV) khan ke hey designate kuri di kena asey. Itu advisory para itu sob traveller khan ke aru transporter khan ke appeal kurishey, itu alternate raasta khan follow kuriboley, aru itu di kena thaka timing khan hisap tey chuliboley koishey, smooth para gari aha jawa hoboley.
Add Comment